Борлуулалтын бяцхан улаан ном нь зөвхөн борлуулалт хэрхэн хийх тухай бус, харин борлуулалтаа хэрхэн тасралтгүй хийх тухай ном юм.
Энэхүү Борлуулалтын Бяцхан улаан номоос та ямар учраас борлуулалт хийгддэгийг ойлгох боломжтой болно. Түүнчлэн энэхүү номоор дамжуулан зохиогчийн зөвлөж буй борлуулалтын ур чадваруудыг сурч эзэмшсэнээр та цаашид борлуулалтаа өөрийн аргаар хийх боломжтой болно. Амжилттай нэгэн эсвэл ердийн нэгэн байхын гол ялгаа бол тэдгээр хүмүүсийн баримталдаг философи юм. Ихэнх борлуулалтын мэргэжилтнүүд сарын төгсгөлийн талаар боддог. Харин та цаг хугацааны төгсгөлийн талаар бодож эхлэх хэрэгтэй. Зохиогч үүнд л итгэдэг.
Хэрэв та цаг хугацааны төгсгөлийг авч үзэж байгаа тохиолдолд борлуулалт хийх бүрдээ тухайн борлуулалтыг урт хугацааны, харилцаа холбоонд хөтлөгдсөн, бусдад дамжин түгэх боломжтой болгохыг хүснэ. Энэ бол борлуулалтын жинхэнэ мэргэжилтнүүдийг тааруухан хүмүүс болгож хувиргадаг борлуулалтын зальжин арга техник болон бусад эрүүл бус тактикаас шал өөр зүйлийн тухай байдаг.
Борлуулалтын Бяцхан улаан ном-ыг Худалдан авалтын бяцхан улаан ном ч гэж нэрлэж болох юм. Борлуулалт дахь амжилттай болон амжилтгүй оролдлогуудын хоорондох бяцхан зөрүү бол нэг нь өөрт байгаа зүйлийг шууд борлуулахыг оролдох, нөгөө нь өөрт байгаа зүйлийг боломжит хэрэглэгч худалдан авах уур амьсгалыг бүрдүүлэхэд анхаарахыг оролдох ялгаа юм. ‘Хүмүүс таны үгэнд итгэх бус, харин тэд өөрсдийн сонголтод итгэхийг хүсдэг’ энэ бол миний хувьд албан ёсны бүртгэлтэй худалдааны тэмдгээс ч илүү тодорхой зүйл бөгөөд миний баримталдаг гол зарчим мөн. Энэхүү номоос та үнэт зүйлд тулгуурласан, бусдад туслах зорилго бүхий борлуулалтын илүү дээд түвшний философийг өөртөө бий болгох ёстой.
Монгол
