“Өнөөдөр Англид ажиллаж буй замын тэмдэглэл зохиогчдоос хэн нь ч ажигч гярхай чанар ба уянгын авьяасыг ийнхүү хослуулсан нь ховор – бидний хэнээс ч илүү яруу уянгалаг.” Ян Моррис

Аяллын тэмдэглэлээрээ алдаршсан Колин Таброны ээлжит бүтээл. Колин Таброн ная гарсан насандаа дэлхийн хамгийн том мөрөн Амарын сав нутгаар удаах нэгэн сонирхолтой аяллаа хийжээ. Амар мөрөн эх авдаг Хан Хэнтийн дархан цаазат газраас монгол хөтөчтэй, мориор эхлүүлсэн маршрут нь машин, галттэрэг, усан онгоцтой үргэлжлэн Оросын бөглүү хот тосгодоор дайран Амар мөрний Номхон далайн цутгалаар шувтарсан байна. Орос, Хятадыг заагладаг их мөрнийг дагасан оросуудын амьдралыг өгүүлсэн энэ ном Эдвард Стэнфордын 2022 оны аян замын шилдэг тэмдэглэлээр тодроод байгаа юм. Колин Таброны аяны анхны тэмдэглэл Mirror to Damascus 1966 онд уншигчийн гарт очсон бол өнөөдөр 18-аар тоологдож байна. Тэрээр Евроазийн зүг аяны жолоо залах дуртай, тэр дундаа Орос, Хятад хоёроор хэдэнтээ аялсан ажээ. Амар мөрөн: Орос, Хятадын завсарт ном нь тун саяхны бүтээл учир хойд хөршийн хязгаар нутгийн өнөөгийн амьдралтай тодорхой танилцуулна. Түүнчлэн Монгол, Орос, Хятадын уулзвар нутагт өрнөсөн түүхэн явдлыг нэхэн сануулах юм.