Мэл Томпсоны 1995 онд Англид (Hodder & Stoughton Fducational Press-д) хэвлүүлсэн Философи өөрөө сурах бичиг ном нь цэвэр аналитик буюу Англи-Америкийн (заримдаа арлын ч гэж нэрлэдэг) философийн дэг жаяг дор бичигдсэн учраас Өрнөдийн философийн уламжлал үгүй бидний хувьд ойлгоход бага зэрэг бэрхшээлтэй байж болно. Тэгээд ч бид Өрнөдийн философи гэдгийг ойлгохдоо Англи-Америкийн философи утгаар биш ŠЭх газрынš философи утгаар ойлгодог билээ. Философийн энэ хоёр чиглэлийн философидох хэв маяг өөр болохыг зохиогч ч өөрөө тэмдэглэсэн нь буй.
Уншиж чаддаг хүн гэж бичиг үсэг тайлагдсан хүн бүрийг хэлдэггүй билээ. Тэр хүн уг өгүүлбэрийг хэчнээн түгдрэлгүй уншсан ч ойлгоогүй л бол уншиж байгаа хэрэг огтхон ч биш. Энэ номыг та уран зохиол юм уу, түүхийн ном уншиж байгаа шиг уншчих боломж даанч үгүй. Энэ сурах бичгийн нэг онцлог бол манай сурах бичгүүд шиг бүх юмыг нь хэлж өгөөд бодох бололцоо олгодоггүй биш, харин уншигч цаашид өөрөө бодож, ширгээх шаардлагатай сэдэв-санаа маягтай бичигджээ. Аль нэг өгүүлбэрийг эс ойлгох, эсвэл сайтар ойлгосноосоо болж уг өгүүлбэр дээр нэлээн удаан эргэцүүлэх шаардлага гарна. Гэвч та үүнээс бүү залхаарай. Энэ нь таны оюун, тархины гимнастик болж байгаа хэрэг.
Давтан хэлэхэд та өгүүлбэр бүр дээр анхаарлаа төвлөрүүлэн, дараа дараагийн өгүүлбэртэй холбон ойлгож уншсаар энэ номыг дуусгах аваас философийн суурь боловсролтой болж, Šцэвэрš – зөв сэтгэж сурахад бас нэгэн томоохон алхам хийлээ гэсэн үг. Ингэж уншсан нөхцөлд л энэхүү ном нь таны хувьд жинхэнэ Šөөрөө сурах бичигš болох юм. Та энэ номтой ажиллах үедээ Šөөрөө сурах бичигš, Šхялбаршуулсан сурах бичигš гэсэн хоёр ойлголт ялгаатай болохыг анзаарах болно. Энэ ном бол нэг дэх төрлийн ойлголтод хамаарах сурах бичиг.
Монгол
