Хүн бол нийгмийн амьтан билээ. Бидний өдөр тутмын амьдрал буюу нийгмийн харилцаа хуулиар зохицуулагддаг. Хуулийн мэдлэгтэй байх нь эрхээ эдэлж, хамгаалуулах, элдэв эрсдэлд орохгүй байх зэрэг олон талын ашиг тустай билээ. Гэвч ихэнх хүн хуулийн мэдлэгтэй болохын тулд олон хуудас хуулийг нэг бүрчлэн унших буюу хуулийн зузаан номуудыг шүүрдэн үзэх ёстой гэж ойлгодог. Харин уншигч таны гар дээр очиж буй энэхүү сонирхолтой бүтээл бол хуулиудын зүйл, заалт бүрийг тэр чигээр нь хуулж тавьсан, хуулийн мэргэжлийнхэнд зориулсан төвөгтэй хэллэгтэй эрдэм шинжилгээний ажил бус, өргөн олон нийтэд чиглэсэн, хэн бүхэн ойлгохуйц энгийн хэллэг, гоёмсог зураг чимэглэл бүхий ном юм. Автомашин жолоодох, ажилд орох, орон байр худалдан авахаас өгсүүлээд бизнес хийх, гэр бүл болох, шүүхэд хандах гээд хүний нийгмийн тал бүрийн харилцааг хөндсөн тус ном таны амьдралын нэгэн хөтөч, дотны зөвлөх болно гэдэгт бид итгэлтэй байна.
Монгол
