Сталины тухай ном өч төчнөөнөөрөө л бий. Гэвч бүгдээрээ хүн-Сталиныг (үе тэнгийнхэн, ойр дотнынхон тэр битгий хэл охиных нь дурдатгал хүртэл) дарангуйлагч-Сталинаар төлөөлүүлэн бүдгэрүүлдэг нийтлэг ганц дутагдалтай. Улаан гараараа цогцлоосон эрх дархын аугаа том цац суваргын орой дээр цор ганцаар торойн байхдаа тэр хүн чухам юу бодож, юу мэдэрч суусныг бидний хэн нь ч гадарлахгүй ээ.

Харин Эдвард Радзинский “коммунист хаан”-ы хувийн мөн чанарт задлан шинжилгээ хийх замаар “Сталин” хэмээх судлагдахууны мөн чанарт нэвтэрч сайн хийгээд саарыг шингээсэн ХҮНИЙ бүрэн төгс дүр төрхийг бүтээжээ.