ОХУ-н Батлан хамгаалахын сайд Сергей Шойгу та бидэнтэй төрөл садан Тува нутгийн, хамаатан ард түмнээс төрөн гарсан тэрбээр дурсамжийн номоо маш сонин хэлбэрээр туурвижээ. Өнгөрсөн цаг үед хувийн дүгнэлт өгөхөөс аль болох зайлсхийж, тухайн цаг үеийн онцлогийг харуулсан үйл явдал, сонирхолтой агшнуудыг зураглан нэгтгэжээ. Тува түмний туулсан замнал, өөрийнх нь намтар, албан тушаалын шат ахисан дурсамжаа сонирхол татам бяцхан түүхүүдээр эвлүүлэн харуулсан гэсэн үг.

Зарим хүний төсөөлдөг шиг Тува нутаг нь их Орос улсын зэлүүд хязгаар бус. Харин хувь заяаны тохиолоор тэнд учирсан гайхам тавилантай ард зоны нутаг, улс орны төдийгүй, дэлхий дахины хувь заяанд нөлөөтэй хүчирхэг хувь хүмүүсийг төрүүлсэн өлгий гэдгийг энэ ном танд маш сонирхолтойгоор хэлж өгнө.