Хөрвөх чадвартай удирдлагыг хэрэгжүүлэх практик ном юм.

2006 оны хаврын нэгэн сайхан үдэш бид гурав (хоёр нь Бостоны бэйсболын Рэд Соксын хөгжөөн дэмжигч, нэг нь Нью Йорк Мэтсийн фанат) Роны гэрт Рэд Соксын тоглолт үзэж суулаа. Рэд Сокс ялж байв. Тэгж байтал бидний яриа тэмцээнээс хадууран өнгөрсөн 25 жилд ямар хүнд хэцүү асуудлуудтай тулгарсан харилцагчид, оюутнууддаа хэрхэн тусалж байсан талаар өрнөлөө. Тэр үдшийн ярианаас энэхүү ном соёолсон юм.

Өмнө нь хөрвөх чадвартай удирдлагын чиглэлээр онол, практикийн бүтээлүүд хэвлүүлж байсан ч тэр үдэш бид гурав энэ талаар санаснаасаа ч их практик мэдлэгтэйгээ ухаарсан. Дэлхий даяар төр, хувийн хэвшил, төрийн бус байгууллагын гурван секторт хамтран ажилласан хамтрагчид маань бидний хувьд шинэчлэл өөрчлөлтийн амьд, практик лаборатори болсон байв. Тэр үдэш бид энэ талаар практик мэдлэгтэйгээ ойлгосноос гадна үүнийгээ бусдад хуваалцах ёс зүйн үүрэгтэйгээ ухаарсан. Өөрчлөлт шинэчлэлд туслах багаж, тактикууд оюуны өмчөөр баталгаажаагүй, бүгдэд нээлттэй байх ёстой бөгөөд тэгж байж л хүмүүс түүнээс чөлөөтэй суралцан, ур чадвараа сайжруулж, бие биеийнхээ мэдлэг чадварыг сайжруулна.

Хоёр шалтгааны улмаас Хөрвөх чадвартай удирдлагыг хэрэгжүүлэх практик ном юм. Нэгдүгээрт, бид үүнийг практик ажлын талбар дээрээс бичсэн. Одоогийн нөхцөл байдлаа өөрчлөн илүү дээрийг бүтээхийг хүссэн олон мянган хүнтэй хамтран ажилласан туршлага дээрээ үндэслэн бид номыг бичсэн.
Хоёрдугаарт, номоо бид өдөр тутмын удирдах ажилд зориулж, ажилдаа хэрэглэх ажлын талбарын гарын авлага болгох зорилгоор бичлээ. Энэ номыг бичих үедээ бид таныг ямар нэг ажил урагшлуулах гэж ажил дээрээ өдөржин бүтэл муутай оролдсоор ядран гэртээ ирж налайн хэвтэж буйгаар төсөөлсөн юм. Тийм бол та буйдан дээрээ хэвтэнгээ, эл номыг эргүүлснээ, тагтан дээрх эргэцүүллийг маань ашиглан, яагаад ажил чинь урагшлахгүй байгааг ойлгох юм уу, дасгал ашиглан хийх зүйлээ олж мэдэж болох юм.