“Энциклопедиа Британника инк компани-аас энэхүү толийг монгол хэлээр орчуулах, Монголын түүх, газар зүй, соёлын ухагдахуун, алдарт хүмүүсийн намтар цадиг, болон бусад мэдээллээр баяжуулан үндэсний агуулга бүхий бүтээл болгоод хэвлэн гаргах эрхийг 2006 онд НЭПКО компанид өгсөн билээ.

Энэ үеэс тус компанийн дэргэд байгуулагдсан редакцийн манай хүлээн зөвшөөрөгдсөн орчуулагчдаас эхлээд түүхч, шинжлэх ухаан, зүтгэлтнүүд, эрдэмтэн сэхээтэн, сэтгүүлч, нийтлэлч, эрдэм шинжилгээний ажилтан, нэр томьёоны мэргэжилтнүүд гээд улс үндэснийхээ шилдэг сэхээтнүүдийг оруулсан хамтлагийг байгуулан ажиллуулсны хүчинд нөр их ажлыг нугаллаа.

Хүн төрөлхтний хурааж хуримтлуулсан мэдлэг, мэдээллийн хамгийн төгс системчлэгдсэн хураангуй болох “Энциклопедиа Британника” нэвтэрхий толь бичгийн ширээний нэвтэрхий толь хэлбэрийн цогцлол монгол “Британника” ийнхүү анх удаа монгол хэлээр найман ботиор гарч байгаа нь энэ. 
 

соёл, шинжлэх ухаан зэрэг 52 сэдэвт хамаарах 25 мянган толгой үг дээр Монгол орны газар зүйн 800 гаруй нэр, улс үндэснийхээ бахархал болсон түүхт баатрууд, бүтээн байгуулагчид, удирдагчдаас эхлээд янз бүрийн учир байдлаар нийтийн ой санамжид үлдсэн хүмүүс хүртэлх 1500 шахам намтрыг багтаалаа. Түүнчлэн манай эх түүхийн онцгой эргэлт болсон 1500 үйл явдал дээр үндэсний брэндүүд, шилдэг бүтээн байгуулалт ба бүтээн байгуулсан хамт олны нэр бас бичигдлээ.

Ингээд манай талаас 4000 гаруй толгой үг нэмэгдсэн гэсэн үг. Уг нь Британника хэвлэлийн газраас Монгол улс болон монгол үндэстэнтэй холбоотой 5000 толгой үгийн эрх олгосон боловч яаж ч шүүгээд жишигт таарах ийм тооны үг олдсонгүй. Аргал, гэр, бажий, морин хуур, үндэсний бөх, айраг зэргээс эхлээд байгалийн гол цогцолборууд, жижиг гэж гололгүй хамаг нуур цөөрөм, гол усаа багтаасан. Мазаалай, алтан хундага гээд өөр газар байдаггүй биологийн төрөл зүйлээ ч орууллаа.

Түүхийн хэдэн зуун үйл явдлыг Чингисийн үеийн их бага тулалдаанаас авахуулаад Хадгаламж зээлийн хоршооны хэрэг хүртэл бүртгэн багтаалаа. Ориг Британника тольд Чингисийн үеийн хэдэн алдартны эс тооцвол То ван, Мянгат гэсэн хоёрхон монгол хүн багтсан байдаг бол энэхүү монгол хувилбарт 1500 шахам монголчууд болон