Хятад бол улс төрийн соёлын өнө эртний түүхтэй улс. Эдүгээ хүртэл Хятад орон улс төрийн төлөв байдлын хоёр томоохон төрлийг бүтээн бүтээсний нэг нь нийтлэг улс төр, нөгөө нь орчин үеийн улс төр юм. Улс төрийн нийтлэг төлөв байдал нь өөрийн газар нутаг дээр үүсэж, төвлөрсөн эрх мэдэлт нэгдмэл улс орныг бий болгон 2000 гаруй жил үргэлжилсний зэрэгцээ Хуа И системийг байгуулж, Зүүн Азийн соёлын хүрээг үүсгэсэн юм. Орчин үеийн улс төрийн төлөв байдал нь Өрнөдөөс гаралтай ба Хятад оронд туршиж, эрэл хайгуул хийсний дараа социалист үзэл суртлын системийг сонгон, орчин үеийн Өрнийн улс төрийн соёл, социалист үзэл суртлын систем болон Хятадын орчин үеийн улс орны төлөв байдлын нэгдлийн суурин дээр Хятадын орчин үеийн улс төрийг бий болгожээ. Энэ бол үнэ цэнийн хандлагын хувьд тэс өөр улс төрийн хоёр янзын төлөв байдал бөгөөд эдгээрийн хооронд түүхийн шууд залгамж холбооны харилцаа үгүй ба цор ганц холбогдох харилцаа нь өнөөг хүртэл задралгүй үлдсэн Хятадын нийгэм юм. Иймдээ ч, орчин үеийн Хятадын улс төрийн талаар хүмүүст дараах эргэлзээ төрдөг: Хятадын орчин үеийн улс төр чухамдаа Өрнөдийнх үү эсвэл Хятадынх уу? Өрнийн логикийн дагуу явах ёстой юу, эсвэл Хятадын логикоор явах ёстой юу? Энэ төрлийн эргэлзээт асуудал нь хүмүүс Хятадын орчин үеийн улс төр болоод ирээдүйн хэтийн төлөв, чиглэлийн тухай бүх талын, гүн гүнзгий ойлголт авах боломжийг хааж байдаг. Энэ ном Хятад орноос улс төрийг нь ойлгож авах ёстой гэх хариултыг өгөх болно.
Монгол
