Америкийн зохиолч Билл Брайсоны хошин шогийн гайхалтай мэдрэмжтэй бичигдсэн аялал, хэл шинжлэл, түүх, зугаатай танин мэдэхүйн гээд бүх номууд бэстсэллэр болдог ажээ. Шинжлэх ухааны товч түүх бол шинжлэх ухааны нарийн төвөгтэй атлаа ер бусын ертөнцийг хэнд ч ойлгогдохоор туйлын сонирхолтой хэлбэрээр тайлбарлан таниулсан ном юм. Энэхүү ном одон орноос квант механик хүртэл байгалийн шинжлэлийн гол салбаруудыг хамарч, Их тэсрэлтийн онолоос авахуулаад энгийн нүдэнд үл үзэгдэх эгэл бөөмсийн тухай өгүүлэхдээ шинжлэх ухааны гайхалтай баримтуудыг дэлгэн тавьж, басхүү алдарт эрдэмтдийн зан араншин, хувь хүний онцлог хийгээд томоохон нээлтүүдэд хүрсэн хөгтэй, хөгжилтэй түүхийг шигтгэн оруулжээ. Нэпко хэвлэлийн газар Брайсоны алдарт бүтээлийг бүх насныханд зориулсан гурван дэвтэр, мөн хүүхэд багачуудад зориулан сонирхолтой зургуудаар чимэглэж, хялбаршуулсан нэг дэвтэр гэсэн хоё хувилбараар гаргалаа.
Монгол
