Аливаа улс үндэстний оршин буйг тодорхойлогч цөөхөн хүчин зүйлийн нэг нь соёл билээ. Соёл нь тухайн ард түмэн бүрэлдэн бий болохтой зэрэгцэн үүсч шигшигдэн үе дамжсаар хойч үедээ уламжлагдаж байдаг. Тэдгээрийг УИХ мэтийн байгууллагаас зохиож, баталдаггүй атлаа ард түмэн амьдралдаа ягштал мөрдөж байдаг аман хууль юм. Ц.Цэрэнгийн Муугийн ёс биш Монголын ёс оо ном нь эртнээс өвлөгдөн ирсэн тэрхүү “аман хууль”-ийн эмхэтгэл болжээ. Монголчуудын гал голомттой холбоотой ёсоос авахуулаад талийгаачийг хөдөөлүүлэх ёс хүртэлх 28 сэдэв хамарсан энэ бяцхан товхимол иргэншин, хотжиж буй өнөөгийн бидэнд нэн чухал гарын авлага болжээ.
Ц.Цэрэн