Үндэстэн бүрийн бусдаас ялгарах шинж нь хэл ярианаас илүүтэйгээр зан заншилд нь илэрдэг. Чухам ийм шинж чанар нь хэлний нэг бүлэг, язгууртай атлаа үндэстний өвөрмөц шинжээ хадгалсан ард түмний нэр нүүр болдог оо. Төр ёс, гадаад харилцааны өнө эртний уламжлалаасаа эхлээд түүх соёлын үлэмж гайхамшигт өвтэй монголчуудад энэ талаар ярих хэлэх юм нэн баялаг. Хувьсгалт хүчирхийллийн жилүүдэд тасарсан үндэсний өв, уламжлал, соёлын алтан аргамжийг залгахад үйлсийн нэгэн сайхан хэлхээ болсон эл бүтээл анх гарсан цагаасаа хойш олон түмний хэрэгцээт номын нэг болсон юм. Өөрөө сурч үлгэрлэхээс эхлээд үр ачдаа уламжлуулах олон сайхан ёс заншил, хүндлэл, үлгэр дууриалыг энэ номоос авна гэдэгт бид итгэж байна.
Р.Рэгзэндорж, Р.Ганзориг