Шагжамуни Буддагийн шавь Ананда оройн дээд багшийнхаа сургаалыг саруул оюундаа хадгалан үлдэж хожим нь бичгийн хэлбэрт оруулсан нь Дармапада хэмээх судар гэж үздэг. Энэ судар нь нийт 26 бүлэг, 426 бадаг шүлэгтэй бөгөөд бадаг бүр нь бие даасан, төгс төгөлдөр афоризм билээ. Энэ бүтээлийг уншсан хэн боловч Дармапада бол хоосон номлол, мөргөл залбирал бус амьдралын нүцгэн үнэнийг нуулгүй өгүүлсэн болохыг нь төвөггүй ойлгоно. Бидний хэвлэн гаргасан Дармапада нь бүлэг, бадаг бүрт зориулсан монгол хэв маягийн өнгөт зургаараа бусад хэвлэлтээс ялгарахын зэрэгцээ уншихад уйдамгүй, ойлгоход ч хялбар болсон. Уншигч энэ номоос буддын шашны ёс суртахууны тухай амьд, цэгцтэй ойлголттой болно.