Манай гадаад харилцаа болон гадаад бодлогын тэргүүлэх мэргэжилтний нэг Р.Болд өөрийн олон жилийн судалгааны ажилдаа тулгуурлан ХХ зууны монголчууд тусгаар тогтнолоо олох үйл явц хэрхэн өрнөсөн болон үүнд АНУ ямархан байр суурьтай байсныг баримтаар өгүүлжээ. 1911 оны үндэсний тусгаар тогтнолын хөдөлгөөнөөс эхлэн дөчөөд жил үргэлжилсэн энэ драмын явцад монголчууд хэзээнээс л АНУ-д найдан харж байсан юм. Монголын тусгаар тогтнол ба АНУ номд түүхийн маш чухал баримт, гэрэл зургууд ихээр орсны дээр урьд өмнө бидэнд тодорхой бус байсан олон сонирхолтой баримтууд ч багтжээ.